كتبت الاعلامية باتريسيا سماحة على صفحتها على فايسبوك:
كتير مشاعر …كتير طلعات ونزلات …كتير تحديات …كتير صداقات وكتير حب …كتير ناس زينوا السنة وكانوا كل الدعم وكتير ناس نسيت انن من ضمن الناس ….
ع الصعيد الشخصي نجاحات وتميز واصرار وفرح وشغف بكل لحظة …
ع صعيد الوطن رح تبقى الوطن والبيت والكرامة وما ببدلك ببلدان العالم كلا …ع صعيد الايمان طول بالك عليي انت يلي بتعرف خبايا القلب …
هالسنة عرفت انو الحياة هي بس للاقوياء وانو بحياتك ما تساوم ع قناعاتك كرمال مكاسب ما الا قيمة
هالسنة عرفت اني لاقية ضهري ع صخر وهني الناس يلي الله حطن بطريقي وهني بيعرفو حالن كتير منيح …
وهالسنة عرفت انو كل شي بتعملو بالحياة من خير او شر بيرجعلك بطريقة او باخرى
هالسنة عرفت انو محاولات الاذى ما بتصيبك اذا محصن بضميرك
هالسنة عرفت انو بحياتك ما تعمل مجهود لتكتشف حقيقة الناس الاقنعة بتوقع لحالها
هالسنة عرفت انو رح يضل جواتنا عايش طفل و مراهق بيتولدن بحب بيعمل اغلاط بجن وبيرجع يغفى وكانو ما صار شي …
كل السنة والناس الحلوين بحياتي ينعاد عليكمً بكل شي
بتتمنوا
