كتبت الاعلامية آمال الياس سليمان على صفحتها على فايسبوك:
بآخر يوم من السنة
طلعت لعندو تا اشكرو
لأنو سنة 2022 ولا ممكن كانت تقطع عا سلامة لَوما هو تدخّل…
طلعت تا قلّو..
“نَستَغفِرُكَ، أيُّها الكَرَمُ المُطلق، أنّنا لا نلتَمِسُكَ إلّا ساعَة التّجرِبة…”
طلعت تا قلو…
ولادنا وعيالنا وصحتنا وشغلنا وكل حياتنا بين ايديك…
بين ايديك انت ..
وضويت شموع…
شموع شكر وامتنان..
لمار شربل ومن عندو لكل القديسين…ولكل الاهل والاصدقاء والزملاء وكل الأحباء….
وشموع نوايا….
وحمّلْت شمعة الحزانى والمقهورين والموجوعين والمحتاجين اكبر عبء..
وأنا اكيدة انو كل نيّة انسمعت..
لأني طلبتا من كل قلبي..
إلي وإلكن….
انشالله 2023 تكون سنة
خير وصحة..
محبة وسلام..
نجاح وازدهار..
عمل وتطور..
حرية وانتاج..
فرح وجمال…
وكل الحب والامنيات الحلوة كتير
