من 52 سنة جيت عهالدني ،ما اخترت وجودي ولا اسمي ولا شكلي ولا لون عيوني ولا جنسيتي ولا ديني ….اليوم بعد 52 سنة اخترت اتصالح مع كل خيبة وكل خطأ وكل زلّة اخترت احترم نفسي واحترم سنوات عمري وافتخر بكل انجاز وبكل نجاح وبكل ولادة بعد مخاض عسير تماماً متل ما انجبتني إمّي بعد مخاض عسير ،هيدا أنا هيدا عمري هيدي السنوات اللي بشوف حالي بساعاتها وأيامها وتفاصيلها …والأهّم الأهّم إن رح جرّب حافظ على روح نقيّة 🤍 وقلب ملوّن بالصفاء ما بيعرف يكره ولا يحمل خبث 💙 #عيد_ميلادي