صرح الممصل حسن خليل في احدى مقابلاته:
” 13 سنة وعم أسعى لصير ممثل وأشتغلت كرسـون بمطعم وحلمي كان صير ممثل ورفضـوني بالمعهد العالي 4 مرات وسـور المعهد بيشهد على دموعي يلي نزلت وعشـت فقـر كتير حـاد وأقرب الناس على قلبي كانو يتنـمرو عليي ويجـرحوني بأبشـع وأقـسى الكلام ” هذا ما كشفه الممثل ” حسن خليل ” حول حياته الشخصية
حسن خليل ” كنت عم أشتغل كرسون بمطعم وأجى عالمطعم تيم حسن وأحمد الأحمد وفرحت وقت شفتهم وخجلت قرب عليهم وسلم وقلت بقلبي يا ترى رح صير أنا هيك متلهم ممثل بيوم من الأيام ”
حسن خليل ” كنت منبـوذ أنا من الناس اللي قراب مني ومن رفقاتي والمحيط يلي عايش فيه كلهم كانو يسخـرو مني ومن طموحي إني صير ممثل .. ما كان حدا يشجـعني أو يعطيني دافع ولا 1 بالمية .. نأذيـت كتير منهم ”
حسن خليل ” المخرجة رشا شربتجي إلها الفضل بالمكان يلي أنا فيه اليوم .. لو ما المدام رشا لما كنت حسن خليل أنا هلق ولما حـققت حلمي ”
حسن خليل ” أتديـنت 150 ألـف لحتى روح عالورشة يلي عملتها المخرجة رشا بالشـام وشاركت فيها وكانت سـبب دخولي للتمثيل لأنها آمـنت فيني وبموهبتي ”
حسن خليل ” بحب قول شغلة من قلبي لكل حدا تنـمر عليي وسـخر مني وأذاني .. شكراً من قلبي إلك .. لو ما الشي يلي عملـتوه فيني .. لما رب العالمين خلاني بهالمكان يلي أنا فيه حالياً ” .
