عمـرو أديـب يسأل: هي شيرين حالتها الاجتماعية إيه؟ شيرين نشاطها فين
الأمور متسابة بقالها شوية، مرة يطلع بيان لشيرين بصوتها، وبعدين يتقال ده Ai ؟
أو يطلع لها بيان على إنه بيان الفنانة شيرين، ثم يصدر تكذ.يب إن ده مش بيان.
يا شيرين، أنا مش بقولك اتكلمي معايا، ومش مستني سبق لبرنامج «الحكاية»، بس حرام يا بنتي. أنا حاسس إن شيرين بتخلص.
أنا معرفش هي فين، أنا معرفش مين معاها،
أنا معرفش مرتبطة بمين، أنا معرفش صحتها عاملة إزاي ،أنا معرفش حاجة، ومحدش يعرف حاجة عنها.
شيرين دي ثروة مصرية، ثروة عربية.
أنا شايف إنه في حالة من حالات الإنكار عند المعجبين بيها: «هي شيرين فين؟»
لما عادوا حفلة لها في mbc مصر ، حفلة قديمة كانت تريند عشان غنّت بس. وطبعًا الخير والبركة في المطربات اللي موجودين، مش عايز أخش في أسماء ومقارنات , إنما حر.ام شيرين، ولا حد عارف يوصل لها، ولا حد عارف يكلمها، ولا حد عارف يراضيها، ولا حد عارف يفرج عن أغانيها. والوضع بقى عادي، على رأي إخواتنا اللبنانيين: «هيدا عادي».
خلاص الوضع بقا : شيرين مش موجودة،
شيرين أغانيها راحت، شيرين ما بتغنيش، شيرين ما نعرفش عنها حاجة، ويمضي الأمر.
أنا بس بدق ناقوس الخـ.ـطر:
إنه حد يلاقلنا شيرين،
أو شيرين لو سمعاني: اظهري يا شيرين، اتكلمي يا شيرين. مش شرط معايا، دي دعوة إنسان بيحبك، وإنتِ عارفة أنا بحبك قد إيه، وكل الناس بتحبك.
