خلّونا ننقذ زياد… قبل ما يسرقو الوقت…
أنا ريتا عطالله، رئيسة لجنة الأهل بمدرسة مار يوسف الصخرة – المعلقة.
اليوم عم بحكي كأم قبل أي شي…
كإمرأة… كإنسانة ما فيها تسمع وجع وتسكت.
في ولد من ولادنا… تلميذ من تلاميذنا …الملاك زياد شهلا عم يواجه السرطان… وبحاجة لعملية طارئة بتكلف 80 ألف دولار.
80 ألف دولار رقم كبير،
بس مش أكبر من قلوبنا إذا اجتمعنا.
تخيّلوا للحظة إنو زياد ابنكن…
وإنو كل دقيقة تأخير ممكن تفرق بحياتو.
زياد إلو حق يعيش…
إلو حق يكبر، يتعلّم،يحلم ويضل بين أهلو ورفقاتو…
من زحلة، من قلب البقاع،
بوجّه نداء لكل رؤساء لجان الأهل:
خلّونا نعمل حملات تبرّع بمدارسنا…
وكل واحد يقدّم يلي بيقدر عليه.
وبطلب من كل لبناني،مقيم او مغترب،
من البلديات، من المؤسسات، من كل إنسان…
كونوا جزء من هالأمل.
ما حدا فينا كبير قدام المرض،
بس كلنا سوا منقدر نكون أكبر منو.
للتبرع: حولوا تبرعاتكم على احد الرقمين:
Tarek abdalah chahla 03094008
Fida atef chahla 71495320
زياد ناطرنا…
وما لازم نخذلو…
الرب يشفيك يا زياد
