زين قطامي وسيليو صعب يحتفلان بعمادة مولودهما الأول

احتفلت الأردنية زين قطامي وزوجها سيليو صعب بعمادة مولودهن الأول، سيليو صعب جونيور..

وشاركت زين متابعيها أجواء هالمناسبة المميزة من داخل الكنيسة، وسط أجواء عائلية مليانة فرح ومحبة..

زين ظهرت بعدد من اللقطات من الاحتفال، وكانت متألقة ببدلة كلاسيكية أنيقة كتير، زادت من رقي إطلالتها، وبدت حريصة تكون هالمناسبة الخاصة بابنها بسيطة وراقية بنفس الوقت..

وظهرت وهي عم تحمل طفلها، اللي تعمّدت تخفي ملامح وجهه، بينما بان بلباس المعمودية الأبيض، واللي كان عبارة عن كاب أبيض ملكي طويل، زاد من جمال وخصوصية هاللحظة..

ومن التفاصيل اللافتة بالاحتفال، كان اسم سيليو اللي زيّن مجسّم لصليب، ومكتوب عليه: «رب احفظ سيليو»، بلمسة عاطفية عبّرت عن تمنيات العيلة ودعواتها للطفل بالحماية والخير..

وعدد كبير من المشاهير وأصدقاء ومتابعي زينة تفاعلوا مع الصور..

وانهالت التعليقات اللي حملت أطيب التهاني والتبريكات لعيلة المصمم العالمي إيلي صعب، متمنيين لسيليو الصغير معمودية مباركة وحياة مليانة فرح ومحبة.