الاعلامية جاسينت عنتر تروي انسانية الفنان الوليد الحلاني:شو هالوليد، شو محترم، وشو زلمة وابن بيت

الاعلامية جاسينت عنتر تروي انسانية الفنان الوليد الحلاني وتعاطيه مع شقيق الضـ.حية ودموعه وتكتب:
تابعت الحادثة والتحقيقات تاني نهار وكيف كانت عم تمشي القصص، وكلّ يلي كانو عم يحكوا الأجهزة الأمنية عن هالفنان كلن ملفت!
وقالت لي إحدى المصادر يلي كانت عم تابع التحقيقات:
شو هالوليد، شو محترم، وشو زلمة وابن بيت، إجت كتيررر اتصالات ووسايط بس ما قبل إلا إنو يتعامل متلو متل غيرو!
نزل قعد بغرفة رتيب التحقيق، وما طلب شي زيادة!
دمّع بس اجا خيو للشخص يلي توفّى، وكان كل الوقت بس بدو إنو الأمور تمشي وفقا للقانون ويلي لازم، عملنالو فحوصات لا كلن شارب ولا كان في بجسمو أي نوع من المخـ.درات.
كل شي صدر منو كان احترام وبس
هو إنسان متلو متل غيرو ويمكن من المفترض ومن الطبيعي إنو هيك يكون… وعم اكتب هالشي مش انو ت قول واو وكأن شي خارج عن المألوف، بس لأنو للاسف ببلدنا إذا الواحد صار عندو ألف فولورز صار بيفكر حالو إنو هو في يشتري الناس ويلبط بالبشر، بينما إنسان متلو هلقد مشهور وهلقد يمكن عليه الأضواء، بقى بالرغم من الشي الصعب يلي قطع عليه محافظ على قيمو وأخلاقو وتعامل مع الموضوع بأفضل طريقة ممكنة!
السمعة الطيبة والإحترام هني أحلى شي ممكن اي انسان يحملن معو!
وبعد قرار الوليد هيدا شو كبر بعيني أكتر!!

مقالات ذات صلة

زر الذهاب إلى الأعلى