كتب محمد الأمين:
- ما بيهمني مين الوزير، ولا لأي حزب أو زعيم بينتمي. آخر همي اسمه وحزبه وزعيمه. بيهمني شو عم بتقدم الوزارة للمواطن.
وين خدماتكم؟
وين واجباتكن؟
وين الدولة اللي مفروض تكونوا أنتو واجهتها؟
إذا المواطن صار يدفع فواتير الدولة، وفواتير الخدمات البديلة، عم تتجاوز مدخوله الشهري، هيدي إذا كان عندو شغل،عن أي إنجاز عم تحكوا؟
خلصونا بقا من تصريحاتكم.
خلصونا من فينا وكان منا،خلصونا من ما خلّونا
خلصونا من شماعة غيركم لتغطية تقصيركم.
شو قيمة إنك تكون وزير حزب أو حركة أو تيار، إذا المواطن ما شاف منك إلا فاتورة، وتصريح، وتبرير؟
نحنا مش جمهوركم.
نحنا مواطنين، وحقنا خدمات مقابل الضرائب والرسوم اللي عم ندفعها.
بدنا وزراء يشتغلوا، مش وزراء يبرروا.
وبصراحة: خلصونا منكن
