والدا ملك الرومنسية وائل كفوري يسرقان الأضواء في حفلته في بيروت

بظهور نادر خطف أنظار كل الحاضرين، حرص والد ووالدة النجم اللبناني وائل كفوري على حضور حفله الأخير ببيروت..

ومن أول لحظة وصلوا فيها على مكان السهرة، سرقوا فلاشات المصورين وصاروا حديث السوشيال ميديا والجمهور..

وبالتصريحات الإعلامية، عبّرت والدة وائل عن سعادتها الكبيرة وفخرها بابنها، وأكدت إنو كل اللي بتتمناه إلو هو الصحة وطولة العمر، وإنو يضل ناجح ويقدّم أحلى الأغاني لجمهوره..

وما وقّفت عن الدعاء إلو بكل مقابلة، متمنية تبقى سيرته الحلوة تسبقه بكل محل..

وكمان شاركها والده بنفس المشاعر، وظهر وهو بدعي لابنه بمحبة، بلقطات عكست العلاقة القوية اللي بتجمع العيلة وفخرن الكبير فيه..

أكتر شي لفت انتباه المتابعين كان الشبه الكبير بين وائل وبيّه، سواء بملامح الوجه والابتسامة العفوية، وكتير من فانزه اعتبروا إنو هالشبه رح يزيد مع مرور السنين..

وائل ما ورث من والده الشكل بس، إنما كمان حب الفن والطرب، وسبق وكشف إنو بيّه هو اللي علّمه أداء المواويل..

بينما كانت والدته أكبر داعم له، تشجعه يطوّر موهبته، وهيدا اللي دفعه يدرس الموسيقى بجامعة الروح القدس ويكمّل طريقه الفني بثقة.