كتبت ماري العلم :
الحب بيكسر كل الحواجز ، بهالشهر التوعوي المخصص للإضاءة على اضطراب التوحد، من المهم التأكيد إنه المجتمع لازم يكون مساحة حب وأمل لكل فرد بعاني من طيف التوحد منزرع من خلالها فرح وبسمة على وجوه هالأشخاص والأهم إنه نمنحن فرص متساوية بالإنخراط الإجتماعي إيمانا بقدراتن في مجتمع حاضن ، متاح ، دامج ومتقبل لكل أفراده.
التشخيص المبكر ، تقديم العلاج المناسب وتطبيق خطة التدخل المناسبة معنويا وجسديا هي من أهم العوامل لبتساهم بتطور حالة الفرد.
كل إنسان بيتفاعل وبيتواصل بطريقتو الخاصة والفريدة مما بشكل مصدر تنوع وغنى فكري وإجتماعي لأنه قدراتنا بالرغم من اختلافاتها بتقودنا للوصول لمجتمع متوازن وعادل.
تذكروا دايما إنه الأساس هوي حبكن ودعمكن لهالأشخاص فما تحاولوا تغيروا تصرفاتن بل حبون متل ما هني بتميزن، كل إنسان فريد ومميز بأسلوبه الخاص.
التوحد منو خيار بل هوي قبول !
ولا اعاقة مع الارادة
